ဒေါ်စုကြည်နှင့် NLD ပါတီ၏ နိုင်ငံရေး လှုပ်ရှားမှုများသည် မြန်မာနိုင်ငံနှင့် နိုင်ငံသူ၊ နိုင်ငံသားများ အားလုံးအတွက် အကျိုး ဖြစ်ထွန်းမှု ဟူ၍ မည်သည့် အချိန်အခါကမျှ မရှိခဲ့ပေ။ ဆိုးကျိုးများနှင့် ဒုက္ခ ပင်လယ်တွင်း သက်ဆင်းရန်သာ အကြောင်းဖန်စေ ခဲ့သည်။ NLD ပါတီ ဟူ၍ စတင်ပေါ်ပေါက် လာခဲ့သည်မှ ယနေ့ အချိန်အထိ ပြည်သူများ အတွက် ဟူ၍ တစ်လုံး တစ်ပါဒမျှ ထည့်သွင်း စဉ်းစားခဲ့ခြင်း မရှိ။ သက်ညှာ ထောက်ထား ခဲ့ခြင်း မရှိ။ အမျိုးမျိုး အဖုံဖုံ စိတ်အနှောင့်အယှက် ဖြစ်စေရန်သာ လုပ်ဆောင် ခဲ့ကြသည်။
အေးချမ်းသာယာစွာ နေထိုင်လိုကြသော ပြည်သူများအတွက် ဒေါ်စုကြည်နှင့် NLD ပါတီသည် ဆူပူ၊ အကြမ်းဖက်မှုများကိုသာ ဖြစ်ပေါ် စေခဲ့သည်။ တရားဥပဒေ စိုးမိုးမှုနှင့် တည်ငြိမ်မှုကို မြတ်နိုးသော ပြည်သူများ အတွက် နိုင်ငံအတွင်း ပဋိပက္ခ များကိုသာ ဖြစ်ပွား စေခဲ့သည်။ နိုင်ငံတော် ရှေ့ဆက်သွားရမည့် မူဝါဒများနှင့် ဖွံ့ဖြိုး တိုးတက်ရေး လုပ်ငန်းစဉ်များ အတွက် နှောင့်နှေးမှုများ ကိုသာ ဖြစ်စေခဲ့သည်။ ဒေါ်စုကြည်နှင့် NLD ပါတီသည် မြန်မာနိုင်ငံအတွင်း လူ့အခွင့်အရေး အပြည့်အ၀ ရရှိစေရေး၊ ဒီမိုကရေစီ ဖော်ဆောင်ရေး စသည်ဖြင့် အသံမျိုးစုံ ထွက်လျက် ပြည်ဖျက် ကြ၏။ ပါးစပ်ကသာ ပြည်သူ့အတွက်ဟု ဆိုသော်လည်း လက်တွေ့တွင် ဒေါ်စုကြည် ကောင်းစားသွား၏။
ဒေါ်စုကြည်သည် ပြောင်ပြောင်တင်းတင်းပင် ပြည်ပ သြဇာခံ၊ ပြည်ပ အလိုကျ အဖျက်လုပ်ရပ်တွေ လုပ်သောကြောင့် နိုင်ငံတကာမှ ချီးမြှင်၍ ရရှိခဲ့သော ဆုငွေ စုစုပေါင်းမှာ အနည်းဆုံး အမေရိကန် ဒေါ်လာ (၄,၅၇၇,၀၀၀) ရှိပြီ ဖြစ်သည်။ ထို့ထက် ပိုများကောင်း များနိုင်ပါသေးသည်။ ဒေါ်စုကြည်သည် ရသမျှ ဒေါ်လာငွေများကို အင်္ဂလန်တွင် စုဆောင်း ထားရှိသည်။ “ဘယ်သူသေသေ ငတေမာရင် ပြီးရော” ဟူသည့် လူတန်းစားမျိုး ဖြစ်သော ဒေါ်စုကြည်သည် သူမ၏ ညဉ်အတိုင်း ရှေ့ဆက် ပြီးလည်း သူမ ကောင်းကျိုးအတွက် နိုင်ငံတော်ကို အသုံးချ၊ ရောင်းစား နေဦးမည် ဖြစ်သည်။
ယခုလည်း ဒေါ်စုကြည်သည် “နိုင်ငံတော်အား နှောင့်ယှက် ဖျက်ဆီးလိုသူများ ဘေးအန္တရာယ်မှ ကာကွယ် စောင့်ရှောက်သည့် ဥပဒေပုဒ်မ (၂၂) ၏ စည်းမျဉ်း/ကမ်းများကို ချိုးဖောက်သည့် ပြစ်မှု ကျုးလွန်သောကြောင့် တရားဥပဒေ နှင့်အညီ နိုင်ငံတော် က စီရင် ဆောင်ရွက် နေသည်ကို NLD ပါတီဝင်များက အကြောင်း အမျိုးမျိုးပြ တားဆီးကြ၏။ “ကြမ်းပိုးလိပ်ဖြစ်၊ လိပ်ကြမ်းပိုး ဖြစ်အောင် ပြောဆိုကြသော” ဒေါ်စုကြည်၏ ရှေ့နေများက အမှုမှန်မှ သူမအား ဖုံးကွယ် ပေးနေ၏။
“ဘုမသိ၊ ဘမသိနှင့် သူများ ယောင်လို့ယောင်၊ အမောင် တောင်မှန်း မြောက်မှန်းမသိ” ဟူသော လူတန်းစား အရူးများက ဒီမိုကရေစီနှင့် ၎င်းတို့ ခေါင်းဆောင်အတွက် တိုက်ပွဲဝင်သည်ဟု ဆိုကာ အင်းစိန်ထောင်ရှေ့ ကိုးယိုးကိုးယားနှင့် အရူးထကြ၏။
အတိုင်အဖောက် ညီလွန်းလှသော ပြည်တွင်းရှိ အဆိုးမြင်ဝါဒီများ၊ ပြည်ပမှ မီဒီယာ သမားများ၊ အဖျက်သမားများနှင့် ပြည်ပြေး အုပ်စုများက မြန်မာနိုင်ငံ အပေါ် နိုင်ငံတကာမှ အပြစ်တင် စကားများ ပြောကြား လာအောင် ဆော်သြ ကြပြန်၏။
ဤအရေးကို အကြောင်းပြလျှက် မြန်မာနိုင်ငံကို အရေးယူ ပိတ်ဆို့မှုများ ပြုလုပ်ကြရန်၊ ရင်းနှီး မြုပ်နှံမှုများ မပြုကြ စေရန်၊ ကမ္ဘာလှည့် ခရီးသည်များ မလာရောက်ကြစေရန် တောင်းဆိုကြသည်။ ဒေါ်စုကြည်နှင့် NLD ပါတီ အဖွဲ့ဝင်များ၏ ဤနည်းဖြင့် မြန်မာပြည် ဖျက်ဆီးသည့် လုပ်ရိုးလုပ်စဉ် လမ်းစဉ်က ရိုးနေပြီ ဖြစ်သည်။
နိုင်ငံတကာ၏ စီးပွားရေး ပိတ်ဆို့မှုများကြောင့် မြန်မာ့ စီးပွားရေး ဆုတ်ယုတ် ပျက်သုဉ်း သွားသည်ဟူ၍ မည်သည့် အခါကမျှ မရှိခဲ့။ ၎င်းတို့က မည်မျှပင် စီးပွားရေး ပိတ်ဆို့မှုများ ပြုလုပ်သော်လည်း သယံဇာတ ပေါကြွယ်ဝသော မြန်မာနိုင်ငံအတွက် စိုးရိမ်စရာ မရှိခဲ့ သကဲ့သို့ ပူပင်စရာလည်း မလိုခဲ့ပေ။ ပြည်ပမှ ရင်းနှီးမြုပ်နှံမှုများ မလာရောက် ကြသော်လည်း ကိုယ့် ပြည်တွင်း၌ တွင်သာ စီးပွားရေး ဖြစ်ထွန်းအောင် စွမ်းဆောင် နိုင်ခဲ့သည်။ ကိုယ့်အား ကိုယ့်ကိုးကာ ကိုယ့်ခြေထောက်ပေါ် ကိုယ်ရပ်တည် နိုင်အောင် ကြိုးပမ်းခဲ့သော မြန်မာနိုင်ငံအတွက် ယခုတစ်ဖန် တားဆီး ပိတ်ဆို့မှုများ ထပ်မံ ကြုံလာ ပြန်လျှင်လည်း အရေးထား စဉ်းစားမည် မဟုတ်ပေ။
လတ်တလော ဒေါ်စုကြည် အရေးကိစ္စနှင့် ပတ်သက်၍လည်း နိုင်ငံတကာမှ ပုဂ္ဂိုလ်များက မည်သို့ပင် ပြောဆို နေကြ စေကာမူ မည်သည့် နိုင်ငံ၊ မည်သည့် ပုဂ္ဂိုလ်၏ ၀င်ရောက် စွက်ဖက်မှု ကိုမျှ လက်ခံ စဉ်းစားမည် မဟုတ်ပေ။ မြန်မာနိုင်ငံသည် လွတ်လပ်၍ အချုပ်အခြာ အာဏာပိုင် နိုင်ငံတစ်ခု ဖြစ်သည်နှင့် အညီ ကိုယ့်ကြမ္မာ ကိုယ်ဖန်တီး နိုင်ခွင့်ရှိသည်။ မိမိနိုင်ငံ၏ ပြည်တွင်းရေးကို မိမိဘာသာ ဖြေရှင်း ဆောင်ရွက်မည်။ ထို့အတွက် ဒေါ်စုကြည်၏ အရေးကိစ္စနှင့် ပတ်သက်၍ မည်သူတစ်ဦး၊ တစ်ယောက်၏ ပြောကြား စေခိုင်းမှု ကိုမျှ အရေးယူ ဆောင်ရွက်မည် မဟုတ်။
ဥပဒေနှင့်မညီ၊ ဥပဒေကို ချိုးဖောက်သော လုပ်ရပ်များနှင့် တိုင်းပြည်နှင့်လူမျိုး ပျောက်ကွယ် ပျက်သုဉ်းအောင် လုပ်ဆောင် နေသည့် ဒေါ်စုကြည်နှင့် အပေါင်းအပါများ အားလုံးကို တရားဥပဒေနှင့် အညီ စီရင် ဆောင်ရွက်သွားမည် ဖြစ်သည်။ သို့မှသာ မြန်မာ့ လွတ်လပ်ရေးနှင့် အချုပ်အခြာ အာဏာ တည်တံ့ခိုင်မြဲမည်။ တိုင်းပြည်နှင့် လူမျိုး ကမ္ဘာတည်သရွေ့ အဓွန့်ရှည်မည် ဖြစ်ပါတော့သည်။
